Orë pas ore dalin dhe rezultate të reja në lidhje me situatën e partive politike në qarqe. Duke komentuar rezultatet e qarkut të Elbasanit analisti Fatos Lubonja tha se në këtë qark rezulton që është përplasja e të fortëve.
“Më tërësi këto zgjedhje karakterizohen nga të marrit e votës nga të fortit. Dhe po të rendisim se kush ka më shumë votë, për të blerë dhe media është PS-ja padyshim dhe në qytetin e Elbasanit, LSI-ja ka pasur nja dy bashki aty dhe i janë marrë nga PDIU-ja me disa të fortë.
Ndaj dhe aty ka shkuar Monika Kryemadhi. PD-ja duket më e dobëta pasi nuk ka as pushtet, kështu që ka dalë ky rezultat që ka dalë”, u shpreh Lubonja.
Duhet thënë se deri më tani projeksionet tregojnë se PS kryeson ndjeshëm ndërsa ka një ndikim të sajin ka pasur edhe PDIU.
Po ashtu Lubonja ka hedhur kritika dhe përsa i përket ndikimit të krimit dhe në zona të tjera të vendit, duke iu referuar edhe ndikimit të Tom Doshit në Shkodër.
(E.K/SHUPLAKA)
