Në mbledhjen e sotme të grupit parlamentar të Partisë Socialiste, ashtu siç ishte paralajmëruar, Taulant Balla u zgjodh kryetari i grupit parlamentar.
Kujtojmë se zgjedhjen e Ballës e kishte paralajmëruar kryeministri Rama që kur prezantoi qeverinë e re. Mirëpo jo të gjithë e kanë dashur në krye të grupit parlamentar, pasi “Shuplaka” ka mësuar se një nga deputetët ka votuar kundër zgjedhjes së tij.
Sipas informacioneve nga mbledhja me dyer të mbyllura të grupit parlamentar të PS-së, nga 74 deputetë, vetëm 69 kanë votuar pro zgjedhjes së tij, katër prej tyre nuk ishin të pranishëm dhe 1 ka votuar kundër.
Pavarësisht se një nga grupi nuk e dëshiron, Taulant Balla do të zërë vendin e Gramoz Ruçit, i cili është zgjedhur kryetar kuvendi.
Gjatë kësaj mbledhjeje mësohet gjithashtu se Rama u ka kërkuar deputetëve që në asnjë mënyrë të mos mungojnë në seancën e nesërme, e cila do jetë edhe seanca e parë e Kuvendit të ri. Në këtë seancë do të bëhet votimi i gramoz Ruçit si kryetari i ri i këtij institucioni.
(D.D/Shuplaka)
