Disa ndryshime të reja janë miratuar nga Komisioni Parlamentar i Ekonomisë në ligjin për fshirjen e detyrimeve. Ndryshimi kryesor është ai i reflektuar në nenin 7 të pikës g, ku citohet:
“Fshihen/shuhen gjobat dhe kamatëvonesat për kontributet e sigurimeve shoqërore dhe shëndetësore për të vetëpunësuarit në bujqësi, që u përkasin periudhave nga 01 janari 2011 deri më 31 dhjetor 2016, me kusht pagesën e kontributeve brenda datës 31.12 2017.”
Më herët, Komisioni Parlamentar i Ekonomisë kaloi në parim draftin e prezantuar nga ministri i Financave, Arben Ahmetaj. Ajo çka përbënte risi në ndryshimet e propozuara nga ministri i Financave ishte shtyrja deri më 31 dhjetor i pagesës së principalit, me qëllim përfitimin e gjobave dhe kamatvonesave. “Kështu, sipërmarrja do të ketë 9 muaj kohë për tu bërë pjesë e draftit që pritet të kalojë në parlament javën e ardhshme.”, u shpreh ai një ditë më parë.
Bizneseve dhe individëve pritet t’u jepet një shans i dytë për të përfituar nga ligji i faljes fiskale. (XH.A/SHUPLAKA)
Discussion about this post