I ftuar sot në studion e Fax news për të folur për debatin mbi krimet e komunizmit dhe gjyqin kundër Spartak Brahos, Sabit Brokajt, Sevo dhe Fatos Tarifës, Arben Dukës dhe Gazetës Dita, ka qenë Çelo Hoxha historian dhe nëndrejtor i ISSK (Instituti i Studimeve për Krimet dhe Pasojat e Komunizmit-ISKK). (Lexo edhe ketu).
Çela Hoxha thotë që sulmet ndaj Tufës janë në 2 nivele, në nivel të debatit publik dhe për disa arsye të paqarta. Ai shton se Braho dhe të tjerët sulmojnë Institucionin pasi duan të pengojnë punën e tij.
“Sulmet ndaj Tufës zhvillohen në dy nivele, në nivel publik dhe për arsye të paqartë. Sipas tyre Insituti po hedh baltë ndaj luftës nacinalçlirimtare, nisur nga libri im. Thonë që insituti nuk duhet të merret me luftën po kjo bie në kundërshtim me ligjin.
Ata godasin institucionin, edhe pse jam unë autor i librit. Librin e përdorin si pretekst”, tha Hoxha.
Historiani thotë që termat si “fashistë” që janë përdorur për të sulmuar Tufën janë të dënueshme nga ligji.
“Ata cilësojnë Tufën si fashist, dhe këto terma janë të ndaluara të përdoren, janë të dënueshme.” u shpreh historiani.
Lidhur me fillimin e këtij debati, Çelo Hoxha thotë se ka si qëllim kryesor pengimin e punës së Institucionit, pasi libri ka 5 vite që ka dalë, i ndërtuar i gjithë mbi një bazë shkencore dhe i mbështetur në fakte.
“Unë dhe Tufa në fund të marsit bëmë një raportim në Komision e Ligjeve dhe ky raport u prit shumë mirë. Ata u treguan dashamirës për të na ndihmuar në disa çështje. Pas një jave zoti Braho bëri deklaratën duke cilësuar intitucionin pjesë të Ballit Kombëtar.
Ne po zbardhim historinë, nuk kemi përjashtuar askënd. As drejtuesit e lartë, as viktimat, jemi munduar të reflektojmë të dyja anët e medaljes. Ne nuk diskriminojmë askënd në zbardhjen e historisë siç ndodhte në komunizëm. Libri nuk është kritikuar nga asnjë historian. Është e vështirë të kundërshtojën faktet e librit sado të ndikuar të jenë. Libri ka një bazë teorike, dhe në raport me këtë bën vlersimin e dokumenteve.” vijoi ai.
Më tej Hoxha tha që debati është i rëndësishëm por duhet të mbështetet në fakte. Sipasj tij puna e Insitutit është e rëndësishme sepse dënohen krimet e luftës, të kryera me gjakftohtësi dhe të mirmenduara.
“Në luftë ka krime, por që janë me urdhër, nuk janë në gjaknxehtësi e sipër, këto janë krime lufte. Kur ushtria zbaton urdhëra të tilla, është pjesë e Krimeve të luftës.” tha Hoxha.
Fakti që Spartak Braho ka qenë pjesë e institucioneve të rëndësishme të komunizmit të përfshira në Krimet e luftës, sipas Hoxhës përbën konflikt interesi.
“Zoti Braho ka një konflikt interesi, ka qenë pjesë e organeve që ligji i institucionit tonë i përcakton si organe të dhunës, Policia, Sigurimi i Shtetit, Gjykata. Duhej të ekzistonte ligji që njerëz që i përkisnin një administrate të kohës së diktaturës mos të përfshiheshin në institucionet drejtuese aktuale. Ka një konflikt të hapur interesi”, vijoi historiani.
Hoxha thotë gjithashtu se janë keqpërdorur disa fakte për të krijuar mbështetje dhe në media, por se ata që sulmojnë përdorin logjikë të ndryshme sa herë u ndryshon interesi.
“U keqpërdorën faktet e librit dhe për të krijuar mbështetje. Ata sulmojnë Tufën se është drejtor i Insitucionit, nuk përdorin të njëjtën logjikë për të sulmuar dhe mbrojtur, bien në kundërshtim me veten.
Ata janë shprehur hapur që dëshirojnë të mbyllet Insituti. Libri është përgatitur nga unë, që më pas e kam kaluar te Institucioni, te bordi dhe të Këshilli Shkencor nga ku vlerësohet nëse është i mbështetur në burime, është i vërtetuar e etj. Qëllimi i tyre është të pengojnë punën e Insitutit”, vijoi logjikën e tij Hoxha.
Lidhur me deklaratat e Tarifës se Insituti ecën sipas ideologjive politike Hoxha thotë që është e pabazë pasi puna është e pavarur.
“ISKK ka në të gjithë Europën dhe e ka burimin në rezoluita Europiane. Në punën e Insitutit politika nuk ka punë.
Padia e Tufës ndaj Brahos dhe të tjerëve është një element qytetarie që tregon se ku duhet të rrije niveli i debatit”, përfundoi Çelo Hoxha.
(j.b/faxweb.al)
Discussion about this post