Kushtet e reja për Shqipërinë, Soreca: Bundestagu njohu arritjet tuaja!

Ambasadori i OSBE-së Luigi Soreca nuk ka pranuar që të flasë për kushtet shtesë që Gjermania i ka vënë Shqipërisë, në mënyrë që të votojë pro celjes së negociatave. Sipas Sorecës Bundestagu ka njohur arritjet e Shqipërisë, dhe prandaj ka vendosur që ti japë një dritë jeshile Shqipërisë.

“Ajo që është e rëndësishme në rezolutën e Bundestagut është që i ka dhënë mandatin qeverisë federale në mënyrë që të çelen negociatat me Shqipërinë. Por e theksoj se Gjermani nuk është shteti i vetëm që do të vendosë, ky është një diskutim që po bëhet dhe në shtetet e tjera të BE-së”, u shpreh Soreca.

Soreca u shpreh se në mënyrë që Shqipëria të ecë përpara duhet që palët të ulen të gjitha në tryezë, dhe të punojnë sa më parë për realizimin e detyrave të lëna nga Gjermania.

“Nëse merret është një vendim i këshillit të BE-së por do të pasohet nga një konferencë ndërqeveritare ku be dhe Shqipëria do të ulen së bashku për çeljen zyrtare të negociatave,

Është kërkuar nga Bundestagu, që në periudhën mes vendimit të këshillit të BE-së dhe konferencës që mund të zgjasë 3-6 muaj, të bëhen dy gjëra.

Çelja zyrtare e negociatave do të ndodhë në këtë konferencë ndërqeveritare. Ndërkohë kemi dhe disa elementë të tjerë që i gjejmë në rezolutën e Bundestagut, natyrisht janë elementë që janë quajtur kushte të përgjithshme, që janë elementë që duhen përmbushur pikërisht përpara hapjes së kapitujve të caktuar gjatë negociatave.

Unë mendoj që për ta çuar Shqipërinë më tej përpara, duhet përkushtimi dhe angazhimi të gjitha palëve, i qeverisë, parlamentit, presidentit, shoqërisë civile, medias, sepse kur të merret vendimi në tetor nga këshilli i BE-së të gjitha palët duhet të bëhen bashkë në mënyrë që duke punuar së bashku Shqipëria të ecë përpara.

Unë dëshiroj që të gjitha palët të ulen së bashku. Unë mirëpres vendimin e udhëheqësit të opozitës për tu bërë pjesë e tryezës së OSBE për reformën zgjedhore. Ky është një hap i mirë, një hap i parë. Është e rëndësishmë që të gjitha palët të kuptojnë që do duhet patjetër të bashkëpunojnë.

Sepse edhe kur të merret vendimi për çeljen e negociatave, të gjitha palët duhet të kuptojnë që përgjegjësia është  përbashkët, prandaj duhet të ulen të zgjidhin problemet për shqiptarët. Reforma zgjedhore është një prej tyre, por e them edhe një herë se kjo çështje ka të bëjë me të qenit të bashkuar”, tha më tej ambasadori i BE-së.