Gjykata Kushtetuese ka vendosur që të rrëzojë kërkesën e Komiteti Shqiptar të Helsinkit për shfuqizimin e disa neneve në ligjin e dekriminalizimit.
Komiteti i Helsinkit kërkoi shfuqizimin e disa neneve me arsyetimin se janë në kundërshtim me Kushtetutën, por Kushtetuesja e ka rrëzuar këtë kërkesë.
“Shfuqizimi si i papajtueshëm me Kushtetutën e Republikës së pikës 4 të nenit 2, pikës 8 të nenit 4 dhe nenin 12 të ligjit nr.138/2015 “Për garantimin e integritetit të personave që zgjidhen, emërohen ose ushtrojnë funksione publike”, të ndryshuar.
Pasi shqyrtoi dhe analizoi pretendimet e paraqitura nga kërkuesi, si dhe parashtrimet e subjekteve të interesuara, në mbështetje të neneve 131/1/a dhe 134/1/h të Kushtetutës, si dhe të neneve 51/a, 72 e vijues të ligjit nr.8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, vendosi rrëzimin e kërkesës”, thuhet në njoftimin për median nga Gjykata Kushtetuese. (M.D/ Shuplaka)
