Gjykata Kushtetuese ka vendosur së fundmi për shfuqizimin e disa neneve “Për organet e sistemit të drejtësisë”. Vendimi është marrë pas kërkesës së një grupi deputetësh, të cilëve u është pranuar pjesërisht kërkesa.
Rreth një muaj më parë, Kushtetuesja publikoi njoftimin ku flitej se ishte pranuar pjesërisht kërkesa e një grupi deputetësh të PD-së që kërkonin shfuqizimin e një prej neneve të ligjit për Organet e Qeverisjes së Sistemit të Drejtësisë.
Kërkesa e 1/5-ës së deputetëve nuk u pranua plotësisht, por nenet e shfuqizuara preknin në thelb dy organet e reja që praktikisht do të menaxhojnë dy hallka të rëndësishme të sistemit, siç janë prokuroria dhe gjykata.
Njoftimi i Gjykatës Kushtetuese:
NJË GRUP DEPUTETËSH, JO MË PAK SE 1/5 E ANËTARËVE TË KUVENDIT TË SHQIPËRISË, përfaqësuar në gjykim nga z. Oerd Bylykbashi, z. Gazmend Bardhi dhe z. Ivi Kaso.
Subjekti i Interesuar: KUVENDI I REPUBLIKËS SË SHQIPËRISË, përfaqësuar në gjykim nga znj. Vasilika Hysi, znj. Yllka Banushi dhe z. Alban Brati.
SHOQATA KOMBËTARE E GJYQTARËVE TË SHQIPËRISË, përfaqësuar në gjykim nga z. Erjon Bani. UNIONI I GJYQTARËVE TË SHQIPËRISË, në mungesë. UNIONI I PROKURORËVE TË SHQIPËRISË, në mungesë. SHOQATA KOMBËTARE E PROKURORËVE TË SHQIPËRISË, në mungesë.
Objekti: Deklarimi si të papajtueshme me Kushtetutën e Republikës së Shqipërisë të nenit 5, neneve 19-58, nenit 61, nenit 103, neneve 117-156, nenit 159, nenit 169/5, nenit 235, si dhe të nenit 285 të ligjit nr.115/2016 “Për organet e qeverisjes së sistemit të drejtësisë”.
(XH.A/SHUPLAKA)
