Kuvendi ka nisur punimet me një fjalë të gjatë të deputetit socialist Taulant Balla. Ai ka folur në lidhje me komisionin hetimor për çështjen CEZ. Po ajo që bije në sy është mungesa e dy krerëve të koalicionit qeverisës.
Në seancën plenare nuk është as Kreu i Kuvendit Meta dhe as kryeministri Rama. Rama pak minuta më parë përfundoi një takim në zyrën e tij me ministrat e PS-së në qeveri.
Përveç Ramës dhe Metës Kuvendin duket se e kanë bojkotuar dhe deputetët e LSI-së dhe PDIU-së.
Takimi mes tyre ka zgjatur pothuajse 1 orë e gjysmë dhe si është bërë e zakonshme këto ditë asnjë fjalë për mediet, ‘heshtje varri’.
Nga ana tjetër Meta nuk ka dalë sot në asnjë takim. Padyshim që zhvillime ka, po ende po mbahen jashtë vëmendjes së publikut.
Në seancë nuk mungon Blushi, opozitari i vetëm i mbetur në sallë pas bojkotit të opozitës. (E.K/Shuplaka)
Discussion about this post