Kuvendi i Kosovës do të zhvillojë sot një seancë të jashtëzakonshme për kreun e AAK-së, Ramush Haradinaj, i arrestuar pak ditë më parë nga autoritetet franceze në Bazel.
Vendimi për zhvillimin e kësaj seance u mor ditën e shtunë nga Kryesia e Kuvendit me kërkesë të grupit parlamentar të Aleancës për Ardhmërinë e Kosovës.
Ramush Haradinaj u ndalua më 4 janar në aeroportin e Bazelit në bazë të një fletë-arresti lëshuar nga Serbia dhe vijon të mbahet në paraburgim në pritje të hetimeve në vijim të shtetit serb.
Avokati i tij ka përjashtuar mundësinë e e ekstradimit të Haradinaj në Serbi, por ka shtuar se Beogradi mund ta zvarrisë proçesin dhe Haradinaj të mbahet në Francë për 40 ditë.
“Është bërë kërkesa me 16 dhjetor dhe nevojitet 30 ditë për tu aprovuar kjo kërkesë prej Interpolit. Sa kam unë informacion, asnjë kërkesë deri më tani, Interpoli nuk ja ka refuzuar UNMIK-ut. Kërkesa është bërë me 16 dhjetor dhe pritet që deri më 16 janar të jetë pastruar.”, është shprehur avokati Arianit Koci. (XH.A/SHUPLAKA)
