Rezoluta për murin e Mitrovicës pritet që të votohet në seancën e sotme plenare të Kuvendit të Kosovës. Mësohet se kjo çështje përbën një ndër katër pikat e rendit të ditës.
Referuar njoftimit të Kuvendit, të zbardhur nga mediat në Kosovë, seanca e sotme do të jetë vazhdim i seancës të së premtes.
Rendi i ditës:
- Votimi i Projektligjit nr.05/L-119 për plotësimin dhe ndryshimin e Ligjit nr.05/L-043 për faljen e borxheve publike,
- Votimi i Projektligjit për parandalimin dhe sanksionimin e dhunës në ngjarjet sportive,
- Votimi i Raportit të Komisionit për Zhvillim Ekonomik, Infrastrukturë, Tregti dhe Industri lidhur me mbikëqyrjen e zbatimit të Ligjit nr.03/L-163 për Minierat dhe Mineralet, i ndryshuar dhe plotësuar me Ligjin nr. 04/L-158,
- Votimi i Propozim-rezolutës lidhur me ndërtimin e murit në mënyrë ilegale në pjesën Veriore të Mitrovicës.
(XH.A/SHUPLAKA)
Discussion about this post