Partia Demokratike zhvilloi sot mbledhjen e Kuvendit Kombëtar, ku do të zgjodhi anëtarët e rinj të Këshillit Kombëtar të Partisë Demokratike. Në listë për anëtarë në Këshillin Kombëtar ishte edhe jursiti Çlirim Gjata.
I ftuar në Fax News, Gjata u shpreh se ky kongres i PD-së solli njëlloj emancipimi politik dhe sipas tij PD është një parti liberale që e pranon mendimin ndryshe.
“Misioni kryesor i PD-së ishte shembja dhe rrëzimi i komunizmit dhe futja e shtetit shqiptar në ekonominë e tregut. PD është një parti liberale dhe kjo gjë mua më pëlqen. Debatohet dhe diskutohet brenda partisë. Ka përplaseje mendimesh dhe idesh. Në rrotacionet politike ka dhe përjashtime. Ky Kongres solli një lloj emancipimi politik dhe shoh që ka ardhje të reja, ka ide.”- u shpreh Gjata.
Për sa i përket pyetjes nëse PD po u prin protestave të studentëve dhe banorëve të Astirit, Gjata u shpreh se PD po mbështet çdo protestë të drejtë, ndërkohë që shtoi se në demokraci nuk vihet në pushtet me gjak.
“Në këtë situatë ka shumë kërkesa, pse Basha nuk i prin një protestë të madhe të rrëzojë z. Rama. Nuk do të ketë kurrë demokraci, nëse vijmë në pushtet me gjak. Nuk vihet në pushtet duke çuar njerëzit në vdekje. PD ka kërkuar vetting për politikanët, ka kërkuar reformim total për reformën zgjedhore, ka mbështetur çdo protestë të drejtë. Nuk ka pushtet me njerëz të vdekur. Ky është moment emancipimi, ky është një moment politik.
Protesta e studentëve po “piqet”!Sa ke në bankat e shokollës? Asnjë. Kjo është si vota e bardhë, ti nuk ke asnjë njeri në auditore. Kjo protestë do të vinte në “pjekjen” e saj. Tani fillojnë të gjithë shtresat e tjera që do të protestojnë. Do të shtohen. Topi borës është nisur, do të vijë orteku. Kryeministri Rama nuk e ka kuptuar kurrë që është kryeministër, ai më shumë është gastor, sesa kryeministër. E kalon kohën nëpër tv, dhe nuk merret me asgjë. Ai nuk ja ka idenë se çfarë do të thotë të jetë kryeministër.”- u shpreh Gjata.
(M.Q/Faxweb.al)
