Kuvendi miraton projektligjin për Vetting në Polici, Xhafaj abstenon

Deputetët e Kuvendit të Shqipërisë kanë votuar për projektligjin e parashikuar në rendin e ditës.

Ligji për vettingun në Polici është votuar me 79 vota pro, 6 kundër dhe 4 abstenim.

Ndërkohë mësohet se vota e ish-ministrit të Brendshëm Fatmir Xhafaj ka qenë një nga votat abstenim.

12 deputetë të opozitës ishin prezentë në prpocesin e votimit, ndërkohë që në munguan Lefter Koka dhe Rudina Hajdari.

Kujtojmë se Vettingu në Polici ka ‘përplasur’ ish- ministrin e Brendshëm Fatmir Xhafaj me ministrin aktual Sandër Lleshajn gjatë diskutimeve të sotme në Kuvend (Lexo këtu).

Gjatë diskutimeve në Kuvend për Projektligjin për disa ndryshimet në vlerësimin të punonjësve të Policisë së Shtetit, Gardës së Republikës dhe Çështjeve të Brendshme, Xhafaj ka kundërshtuar episode të rëndësishme të këtij projektligji.

(F.GJ/FAWXWEB.AL)