Kuvendi ka miratua me 95 vota pro projektligjin sa i takon rritjes së pagave ndërsa 3 kanë votuar kundër.
Sakaq kryeministri Edi Rama nuk ka marrë pjesë në votim
Nga ky ligj përfitojnë 130 mijë të punësuar në administratë dhe efekti në buxhet rezulton se është rreth 39 miliardë lekë.
Drita jeshile për rritjen e pagave u dha nga Komisioni i Ekonomisë në mbledhjen e së martës.
Paga e deputetëve dyfishohet nga 156 770 lekë që është aktualisht në 310 250 lekë, ndërsa e Ministrave nga 174 760 lekë në 318 750 lekë bruto. Kryeministrit dhe kryetarit të kuvendit paga u rritet në thuajse 400 000 lekë bruto nga 228 000 lekë që është sot.
Discussion about this post