Pritet që sot të zhvillohet seance plenare për të miratuar dekretet e Presidentit për emërimin e 4 ministrave të rinj të kabinetit qeveritar, të propozuar nga kryeministri Edi Rama.
Deputetët e maxhorancës pritet të miratojnë sot emërimin e Fatmir Xhafajt në postin e ministrit të Brendshëm, të Ogerta Manastirliut në postin e ministrit të Shëndetësisë, të Eduard Shalsit në atë të ministrit të Çështjeve Vendore, dhe të Olta Xhackës në postin e ministrit të Mirëqenies Sociale dhe Rinisë.
Duhet të theksojmë që deputetët e opozitës nuk do të jenë prezentë në këtë senacë pasi prej disa javësh kanë bojkotuar parlamentin dhe janë zhvendosur drejt çadrës.
Po kështu ende nuk është i qartë qëndrimi i LSI-së në lidhje me miratimin e Fatmir Xhafajt në lidhje me këtë post. Por kur Luan Rama u pyet për qëndrimin e Basha, ku ky i fundit theksoi “se për të votuar Xhafën duhet të kalojë mbi trupin tonë” u përgjigj: Ne jemi të gatshëm për të bërë çdo gjë ligjore, institucionale dhe politike për të garantuar përfundimisht dhe përgjithmonë zhdukjen e njollës së implikimit të zgjedhjeve në Shqipëri. Ne kemi dialogun, tolerancën, nuk aplikojmë me askën gjuhën e ultimatumeve, prandaj politika ësshtë arti i të mundshmes. Pastaj ultimatumet të kalojë, nuk janë pjesë e sjelljes sonë politike dhe as nuk preferoj t’i komentoj më tepër”, u shpreh Luan Rama.
Krahas dekreteve të Presidentit për katër ministrat e rinj, seanca do të votojë dhe dekretet e shkarkimit të katër ministrave që lënë detyrën: Saimir Tahirit nga posti i ministrit të Brendshëm; Ilir Beqaj nga ai i Shëndetësisë; Bledi Çuçi nga posti i ministrit të Cështjeve Vendore, dhe Blendi Klosi nga minister i Mirëqenies Sociale dhe Rinisë.
(J.V/Shuplaka)
Discussion about this post