Ky është shqiptari që kreu “kasaphanën” në stacionin e trenit në Gjermani

Ky është shqiptari nga Kosova që sulmoi me sëpatë të paktën 9 persona në një stacion treni në Dyseldorf të Gjermanisë.

Fatmir H, 36 vjeç, kreu sulmin mbrëmjen e së enjtes për arsye ende të panjohura, ndërsa më poshtë sëpata me të cilën kreu aktin e rëndë që shkaktoi jehonë në mediat botërore.

Nëntë vetë u plagosën, katër prej të cilëve në gjendje më të rëndë shëndetësore. Dëshmitarë të guximshëm penguan ndoshta më të keqen.

Një shok i agresorit e ka shtyrë atë nga treni dhe më pas drejtuesi i mjetit ka mbyllur dyert, shkruan gazeta e njohur gjermane “Bild”.

Hetuesit zhvilluan edhe një kontroll në banesën e tij në Wuppertal.

Ata gjetën një certifikatë ku vërtetonte se shqiptari nga Kosova ishte i prekur nga “skizofrenia paranojake”, për të cilat kishte marrë edhe ilaçe.Vëllai i tij kishte shprehur shqetësimin natën e ngjarjes kur nuk e kishte gjetur 36 vjeçarin në banesë.

Disa persona  mbetën të plagosur në një stacion treni në Dusseldorf.

Raportet paraprake thanë se një person i armatosur me një sëpatë kishte qëlluar në drejtim të pasagjerëve që ndodheshin në stacionin e trenit, duke plagosur nëntë prej tyre. Dëshmitarët okularë thanë se “sapo treni mbërriti, dikush u hodh në sulm me një sëpatë duke goditur njerëzit. Kudo kishte gjak”. (M.D/ Shuplaka)

Fatmir H

Sëpata e përdorur