Kandidatja për deputete në Tiranë për Partinë Socialiste Elisa Spiropali, e ftuar në emisionin “Zonë e Lirë” të gazetarit Arjan Çani, ka deklaruar se vendimin e kryeministrit Edi Rama për t’u tërhequr nga zgjedhjet në Kavajë, e shikon si një manifestim force.
“Ka një skenar të qartë nga opozita, po unë mendoj se aty ku frikacakët bëjnë trimin, trimat do detyrohen të bëjnë të arsyeshmin. Dhe ndërkohë që këta thonë që ne nuk dalim se ne jemi trima, një kryeministër nuk mund të bëjë vetëm rolin e kreut të partisë por edhe rolin e kryeministrit.
Kryeministri nuk mund ta lejojë që të ketë përplasje në zgjedhje, që mund të përshkallëzohen, atyre u ka dalë gjithë plani bllof deri më tani dhe kryeministri ka bërë gjënë më të arsyeshme të mundshme. Edi Rama nuk ka nevojë të tregojë më shumë forcë sepse është i fortë, më i forti tregon durim, mençuri, arsye.”, deklaroi Spiropali.
Pas këtyre fjalëve, Çani i drejtohet Spiropalit me pyetjen: A është ky manifestim force apo manifestim frike?
“Ky është vetëmanifestimi i forcës.”, përgjigjet Zëdhënësja e Kryesisë së Partisë Socialiste. (D.D/Shuplaka)
Discussion about this post