”Ky kostum kushton vetëm 300 mijë lekë të vjetra”, kështu i është mburrur sot deputeti socialist Erion Braçe, deputetit demokrat Agron Shehaj, duke e servirur për të si të qepur lirë dhe duke i kujtuar se kostumi i Shehajt është qepur 1500 euro.
Por me sa duket Shehaj nuk ka ndenjur gojëmbyllur duke i kujtuar se 300 mijë lekë të vjetra është shumë më e madhe se rroga mesatare e një shqiptari.
Replikat, në videon siguruar nga ”Lapsi.al” nisën kur Shehaj i tha Braçes se kostumi që mbante veshur nuk justifikonte dot burimin e të ardhurave. Kaq ka mjaftuar, që Braçe të shpërthente, dhe në revoltë e sipër ka thënë se xhaketa është qepur nga një stilist shqiptar dhe se nuk kushtonte më shumë se 300 mijë lekë.
”Është egzakt sa paga minimale që ti u paguan atyre punëtorëve që i përdor si skllevër në biznesin tënd!”, i ka kujtuar Braçe Call Center-in që Shehaj ka.
Muaj më parë Braçe hodhi akuza publike për gazetaren Rudina Xhunga, e cila në portalin e saj kishte shkruar për koston e veshjes së tij. Braçe tha se veshja e tij ishte blerë lirë: palltoja rreth 220 mijë lekë të vjetra dhe pantallonat rreth 40 euro.
Debati për çmimin dhe pjesën ”vetëm” sjell në kujtesë shprehjen e famshme të Eduard Shalsit: ”Ne nuk do vjedhim në mënyrë kaq flagrante sa ç’kanë bërë këta!”, e cila u interpretua gjatë.
Nëse është e vërtetë që kostumi i Braçes kushton 300 mijë lekë, duhet thënë, është me çmim tregu. Braçe po që di të bëjë pazar! (V.G/Faxweb)
https://www.youtube.com/watch?time_continue=86&v=hpjTSkQ25kc
Discussion about this post