Policia angleze ka shpallur në kërkim një shtetas shqiptar, për të cilin është vënë në dispozicion një numër kontakti që çdokush që e njeh të japë informacione.
Bëhet fjalë për Shpëtim Hysa 29 vjeç, i shpallur në kërkim nga policia në qytetin jugperëndimor Gloucester. Mbi të rëndon vepra penale e “falsifikimit” dhe “mashtrimit”.
Dyshohet se 29-vjeçari Hysa mund të jetë duke përdorur identitetin e Stylianos Koufopolous 33 vjeç.
Shtetasi shqiptar është përshkruar ndër të tjera si i bardhë, me flokë të shkurtër ngjyrë të errët, që mund të flasë rrjedhshëm anglisht, por edhe greqisht.
“Çdokush që ka informacion për vendndodhjen e tij, lutet që të na kontaktojë tani në 101. Informacioni mund të jepet në mënyrë anonime për të edhe në Crimestoppers në numrin 0800 555 111.” (XH.A/SHUPLAKA)
