Artisti kompleks Jarl Ale de Bassevile, pasardhësi i mbretit të Norvegjisë është pasionuar pas vendit tonë. Nuk është pak i njohur, jo vetëm për prejardhjen e tij por edhe si fotograf i fotove nudo të Melania Trump, zonjës së Parë të SHBA-së.
Jarl Ale de Bassevile për tre herë me rradhë ka shëtitur botën por në fund ka vendosur të ndërtojë një shtëpi në Libofshë të Fierit.
“Ishte një emocion shpirtëror që e kuptova sapo mbërrita. Ky emocion u krijua sapo pashë njerëzit aty, fermerët, diçka po më fliste. Në traditën tonë ne besojmë në paganizëm. Ky vend më thirri. Këtu unë e kuptova që ky ishte vendi që unë doja”, u shpreh për ai Top Channel.
Ai na tregon edhe detaje për stilin që do të ndërtojë shtëpinë e tij në Libofshë.
“I urrej kështjellat. Unë jam rritur në një kështjellë dhe nuk do të doja kurrë të jetoja aty. Do të ndërtoj diçka me stil minimalist të ndërthurur me stilin barok. Ne jemi pasardhërit e ilirëve dhe mendoj që është shumë e rëndësishme që t’i kthehemi traditës së hershme”, tregon Jarl Ale de Bassevile.
Nuk i mungon as edhe dëshira për të bashkëpunuar me qeverinë shqiptare për të zhvilluar zonën e Fierit.
“Do të më pëlqente që të punoja me qeverinë. Do të isha i lumtur të sillja kompanitë më të mira të botës këtu, duke filluar që nga ekologjia dhe deri te kompanitë hidroenergjitike. Unë i kam burimet, mund të zhvillojmë resurset ujore, lumin në Fier. Mund të krijojmë deri në 5 mijë vende pune.”, rrëfen ai. (J.V/Shuplaka)
Discussion about this post