Mesila Doda, deputetja e PDIU-së ka sot një mesazh për të gjithë shqiptarët. Ajo shprehet se vendi po shkon për dreq. Kjo për shkak të sjelljeve autokratike të disa personave.
Doda vijon më tej duke thënë se kjo gjendje nuk ka ardhur në një moment të caktuar, por po bën vite që po merr të tatpjetën.
”Zgjohuni njerëz… mos u merrni me ata që flasin, po me ata që po ju vënë në gjumë dhe po thithin pak nga pak çdo standart lirie.
Ky vend po shkon në dreq, mos i jepni një dorë rrokullimës ku po e çojnë arrogantët, frikacakët e oportunistët. Ka nevojë për shkundje krejt sistemi sepse sot jemi më pak, shumë më pak të lire se në ’90”, shkruan Doda.
STATUSI I DODËS:
Ky vend po shkon për dreq…
Prej kohesh kam vendosur qe te sjell veç mesazhe publike pozitive. platforma e ide qe sjellin shprese e ndertojne te ardhmen, e bindur qe ky vend ka nevoje per qetesi dhe shprese… por ajo qe po ndodh para nesh eshte nje turravrap i frikshem, drejt nje autokracie zyrtare.
Krejt sistemi eshte bere autokrat e arrogant… shteti, qeveria, partite, perfaqesimi, rruga drejt perfaqesimit, paktet, marreveshjet… ky vend po rreshket drejt humbjes se çdo lloj pluralizmi dhe e frikshme eshte qe te gjithe heshtin sepse i duket se ka me rendesi karshilleku qe i bejne njeri-tjetrit, ish-mikut, ish-armikut, rivalit… nderkohe nuk ka me hapesire as per standarte minimale demokratike, as brenda partive, as jashte tyre, as ne shtet e as ne votime…
Zgjohuni njerez… mos u merrni me ata qe flasin, po me ata qe po ju vene ne gjume dhe po thithin pak nga pak çdo standart lirie. Ky vend po shkon ne dreq, mos i jepni nje dore rrokullimes ku po e çojne arrogantet, frikacaket e oportunistet.
Ka nevoje per shkundje krejt sistemi sepse sot jemi me pak, shume me pak te lire se ne ’90. Nuk u be ne nje dite, nuk u be nga nje parti… e beme te gjithe pak e nga pak e sot e kemi mbi supe, nen kembe e po behet bllok ne jeten tone. (E.K/SHUPLAKA)
Discussion about this post