La humorin për partinë, gruaja e Erion Isait ‘ankohet’: Kam frikë se më rrëshket situata, vështirë të kesh partner një kryebashkiak

Gruaja e kryebashkiakut të Kolonjës, Erion Isai, Ajlin, ka rrëfyer së fundmi njohjen e tyre shumë vite më parë.

E ftuar në emisionin “Rreze Dielli”, Ajlin u shpreh se Erionin e ka njohur si artist, por që atëherë e ka kuptuar ambicien e tij për t’ju futur politikës.

Më tej, gruaja e kryebashkiakut, me lot në sy, tregon se sa të vështirë e ka patur përshtatjen si grua kryebashkiaku dhe shton se ka frikë mos i rrëshket situata nga duart.

“E kam njohur si artist Erionin, ia kam njohur ambicien. Mendoja se dashuria për teatrin do ta stoponte që të futej në politikë. Por nuk arrita dot që të mos lejoja perfshirjen e tij në politikë. Cfare mbush Erionin më mbush dhe mua. Është e vështirë përshtatja si bashkëshorte e një kryetari bashkie, ‘ruhem’ të jem më e kujdeshshme, shpeshherë më rrëshqet situata,”- shprehet ajo ndër të tjera.

Erion Isai e surprizoi në studio me anë të një video-mesazhi ku u shpreh se sa e rëndësishme është për të fakti që ka pasur në krah një grua të tillë.