Julka Gramo mori vëmendje të madhe si këngëtare me bashkëpunimet që bëri me grupin 2 Farm, por i dha fund karrierës si muzikante duke u bërë pjesë e radios.
Gjatë një interviste për ‘Mos i fol shoferit’ nga Rudina Dembacaj ajo ka shpjeguar se cfarë e pengoi të vazhdonte karrierën si këngëtare për të fituar 5 mijë euro në natë nëpër koncerte, sic bëjnë artistet në ditët e sotme.
“Unë u bëra nënë dhe nuk doja të vazhdoja e të lija vetëm fëmijët e mi dhe të mos më kishin pranë në rritjen e tyre duke qenë se Andi është gjithë kohës në lëvizje. Është dhe një gjë tjetër. Kishte ardhur një moment që nuk ndjeja kënaqësi të jashtëzakonshme kur dilja dhe performoja. Unë do doja të performoja në një mënyrë që njerëzit që ishin përballë të argëtoheshin dhe për mua është e pakonceptueshme që të dalësh, të këndosh ato këngët me super pozim apo live pa pasur një show nga mbrapa, pa pasur një arsye pse njerëzit duhet të vijnë të të shohin ty. E kam vënë gjithmonë veten në vendin e publikut dhe gjithmonë jam përpjekur të jem atraktive me aq sa mundem. Jam përpjekur gjithmonë që të bëj performance ndryshe që ai që të sheh të krijojë një lloj spektakli.”
(M.Q/Faxweb)
Discussion about this post