Shorti i Champions-it është manipuluar-shkruan “La Vanguardia”, të cilët janë konsultuar me shkencëtarët e CERN-it (Organizatës Europiane të Kërkimit Bërthamor).
Një lajm gazetaresk, i mbështetur nga konsultimet shkencore ka arritur në konkluzionin se Shorti i Ligës së Kampionëve është manipuluar për rreth dy vite.
“Nis gjithçka me llogaritjen e probabiliteteve, të cilat kanë shanse të mëdha të përsëriten. Historia nis që gjatë sezonit 2014/2015, të cilin Barcelona e fitoi në finalen e Berlinit, pasi mundi njëra pas tjetrës rivalet në raundet e mëparshme dhe gjithçka është e llogaritur.
Që shorti të jetë një rastësi në dy vitet e fundit, raporti është 1 me 4 mijë”, shkruan raporti i tyre. Edhe ish-presidenti i FIFA-s, Sep Blater e ka pranuar më parë manipulimin e shortit të Champions-it.
