Dy javë pasi u zbuluan plot 1.2 tonë kanabis në magazinën e saj në fshatin Gauk të Skraparit, administratorja Edlira Lame e mohon të ketë qenë në dijeni për sasinë e lëndës narkotike.
Në seancën e sotme gjyqësore, përmes avokatit të saj, i tha Gjykatës se ajo nuk kishte në administrim magazinën ku u gjet droga, por një tjetër ambient pranë saj, ku prodhoheshin verë, raki, si dhe çanta kartoni ambalazhi.
Si provë, përpara trupit gjykues avokati paraqiti një mandat pagese me vlerë 20 mijë dollarë nga një kompani amerikane, të cilën e kishte furnizuar me raki.
Sipas gruas së akuzuar për trafik droge të mbetur në tentativë, magazina ku është zbuluar droga ka qënë në administrim të një shtetaseje të huaj dhe bashkëshortit të saj, i cili ka ndërruar jetë rreth pesë vite më parë.
Pavarësisht kësaj alibije, Gjykata e Krimeve të Rënda e la nën arrest me burg Edlira Lamen. (D.D/Shuplaka)
Discussion about this post