Laboratori që përuroi Panariti në Lushnjë i paakredituar, fermerët vijnë në Tiranë për të certifikuar produktet (VIDEO)

Në prill të 2014-ës, ministri i Bujqësisë Edmond Panariti përuroi Laboratorin në Lushnjë, i cili do mundësonte analizat e insekticideve, pesticideve, dhe hormoneve të fruta perimeve. Por ky laborator nuk funksionon më.

Emisioni investigativ “BOOM” raporton se fermerët e qytetit të Lushnjës, duhet të vijnë në Tiranë për të certifikuar produktet e tyre. Gazetarët e emisionit kanë kontaktuar me shefen e laboratorit në Lushnjë, e cila tha se tha se ISUV është përgjegjës për çertifikimin e produkteve, por shtoi se nuk është i akredituar. 

INTERVISTA:

Gazetarja: Kryhen analizat e hormoneve këtu?

Shefe laboratori Lushnje: Analizat e hormoneve kryhen në bashkëpunim me ISUV, një pjesë e analizës kryhet në laboratorin tonë, ndërsa pjesa tjetër dërgohet në ISUV.

Gazetarja: Fermerët kur vijnë këtu dhe sjellin produktin mund ta çertifikojnë më pas pasi i keni bërë analizat ?

Shefe laboratori Lushnje: Ne japim një raport prove nëse ka apo jo mbetje të pesticideve apo të metaleve të rënda

Gazetarja: Mund ta eksportojë ky fermer këtë produkt pasi ka marrë përgjigjen e analizës ?

Shefe laboratori Lushnje: Besoj se për këtë gjë shërben ISUVnë Tiranë sepse ai është i çertifikuar për këtë punë.

Gazetarja: Është i akredituar laboratori juaj?

Shefe laboratori Lushnje: Laboratori jonë nuk është laborator i akreditur. (D.D/Shuplaka)