Laçi arrin të marrë 1 pikë të vlefshme në shtëpi në përballjen ndaj Luftëtarit të vendit të 6-të. Të dy ekipet zhvillojnë një lojë mjaft të luftuar ku prodhon 4 gola.
Gjirokastritët e kanë nisur mjaft mirë takimin duke realizuar dy gola të shpejtë në portën kundërshtare. 
Bojon i jep avantazhin skuadrës në minutën e 6′, i ndjekur nga Bregu i cili dyfishon shifrat vetëm 3 minuta me pas (9′). Nuk ka vonuar kundërpërgjigjia e kurbinasve të cilët ngushtojnë rezultatin në 1-2 me anë të Akuinos.
Edhe 45 minutat e dyta të ndehsjes dhurojnë emocione dhe aksione të shumta nga të dy ekipet por që këtë herë janë vendasit që finalizojnë me sukses. Laçi shfrytëzon avantazhin e një lojtari më shumë, teksa miqtë luajnë me një më pak pas daljes nga loja të Beqirit pasi merr kartonin e dytë të verdhë.
Pas disa tentativave, kurbinasit ja dalin të barazojnë shifrat në minutën e fundit të takimit.
Është përsëri Akuino që u’a heq fitoren gjirokstastritëve ndërsa i dhuron 1 pikë me vlerë skuadrës së tij. Pavarësisht rezultatit, skuadra e Milnkoviç vazhdon të shfrytëzojë 5 minutat shtesë për të gjetur avantazhin por nuk ja del as mes tensionit të sfidës.
Me këtë fitore Luftëtari mbetet në vendin e 6-të më 15 pikë, ndërsa Laçi ruan të 8-in më 11 pikë, një më shumë se Flamurtari i vendit të 9-të.
Laçi-Luftëtari 2-2
Golat: Akuino 23′, 90’/ Bojom 6′, Bregu 9′
Laçi: Selmani, Gjoni, Qaqi, Lulaj, Shala, Musaj, Toski, Lushkja, Çelhaka, Toska, Akuino.
Trajner: Ramadan Ndreu
Luftëtari: Ruçi, Liçaj, Bojom, Beqiri, Mersini, Rapaj, Rapo, Brahimaj, Bregu, Abazaj, Rexhinaldo.
Trajner: Mladen Milinkoviç
Gjyqtar: Laver Alla
