Java e fundit është mëse vendimtare për vendin e katërt në Serinë A, pozicion që të çon në Champions League. Lacio e mban deri tani në javën e 37-të këtë pozicion, me 72 pikë, dhe 3 më shumë se Interi, që numëron 69.
Por, për zikaltrit nuk është mbyllur ende asgjë. Duke parë se takimi i parë ka përfunduar në barazim 0-0, në rast fitoreje në Olimpiko nga ana e Interit, ekipi i Spaletit do barazonte me pikë, pra 72 Lacion, dhe duke parë këtë rast, hyn në fuqi rregullorja, e cila thotë se në rast barazimi me pikë, shikohen ndeshjet direkte, nga e cila Interi do kishte një barazim dhe një fitore.. Pra, vetëm fitorja i bën punë Interit në Olimpico, me çdo lloj rezultati, përndryshe, çdo rezultat tjetër nxjerr Lacion në vendin e katërt, dhe kështu duke i siguruar vendin e fundit për Champions.
