Lady Gaga anullon koncertin në Rio De Janeiro, është e sëmurë

Lady Gaga ka anulluar koncertin në Rio De Janeiro pasi ndodhet në spital për shkak të sëmundjes së saj.

Sipas “Los Angeles Times” ajo vuan nga “Fibromyalgia”, një sëmundje që sjell dhimbje të mëdha kockash shoqëruar me lodhje, gjumë dhe çrregullime humori.

Në rrjetet sociale vetë këngëtarja ka njoftuar se nuk do të zhvillojë koncertin e planifikuar në Rio pasi është e sëmurë. 

“Brazil, jam aq e rraskapitur sa nuk jam në gjendje të vij në Rio. Do bëja cdo gjë për ju por tani duhet të kujdesem për trupin tim.” , shkruan ajo në postim.

“Lady Gaga vuan nga dhimbje të mëdha fizike që kanë prekur dhe aftësinë e saj për të performuar. Si rezultat i kësaj asaj i është dashur të heqë dorë nga ky koncert.”, shkruan një përfaqësues i saj. (J.V/Shuplaka)