Laert Vasili është i njohur në jetën artistike, por jo vetëm kaq. Tashmë ai ka filluar të angazhohet edhe në sferën politke në vend dhe është në mbështetje të LSI-së.
Por fillesat me politikën ai i ka pasur që në Greqi pranë SYRIZA-s pasi jetonte në këtë vend. “Në zgjedhjet e 2014 mu bë një ftesë që të ndihmoja për të ndihmuar të ndërgjegjësoja atë pjesë që kishte marrë nënshtetësinë greke, dhe të shkonte të votonte. Në të njëjtën mënyre nga LSI, që është një forcë ë majtë. Ishte një homologe në ideale me Syriza. Mu bë ftesa dhe ju përgjigja pozitivisht”, u shpreh Laert Vasili për Top Channel.
Duhet të theksojmë që Vasili ka qenë i angazhuar në çështjet e emigracionit në Greqi dhe gjatë fjalimvee të tij ai thekson se të rinjtë të mos largohen nga vendi t’i rikthehen Shqipërisë dhe të punojnë këtu.
“Mendoj që tashmë është koha që ata njerëz të rikthehen siç janë rikthyer dhe të ndërtojnë të ardhmen e familjes së tyre dhe të familjeve të tyre këtu në Shqipëri. Kjo është arsyeja. Për të qenë i integruar dhe pjesë e një qytetërimi evropian duhet filluar puna shumë herët dhe shumë herët mund ta fillosh tek brezi i ri, thotë regjisori dhe aktori Laert Vasili.
Si aktor dhe regjisor ai ka primar skenën e teatrit, por duket se jo shumë ndryshon ai nga politika, sepse njëlloj si kjo e fundit ai përdoret për të komunikuar.
“Teatri lindi sepse disa individë kishin nevojë t’i përcillnin shoqërisë disa mesazhe të caktuara. Kjo ndodh edhe me lëvizjet politike të caktuara”, shton Laert Vasili. (J.V/Shuplaka)
Discussion about this post