“Fax News” raporton se një shkëmbim zjarri ka ndodhur më qytetin e Laçit në lagjen nr.2 mes forcave të policisë dhe një të kërkuari.
Personi në kërkim është Markel Bushi i cili kërkohej prej 3 vitesh për vepra të ndryshme penale. Ai ka arritur të largohet duke qëlluar drejt policisë.
Markel Bushi është I dënuar për grabitje dhe vepra të ndryshme penale. Ai i është larguar policisë dhe mendohet se ka ikur në drejtim të pyllit. “Fax News” raporton gjithashtu se operacioni i policisë ishte spontan dhe jo i organizuar, pasi policia i ka bërë thirrje Bushit të ndalojë pasi e kishte konstatuar në mënyrë të rastësishme në rrugë, ai është larguar duke qëlluar drejt policisë. Fatmirësisht nuk ka asnjë të lënduar.
Policia ka ngritur postblloqe në rrugët hyrëse dhe dalëse të qytetit për kapjen e tij, ndërsa ka prani të shtuar të forcave të policisë edhe nga Lezha. (B.H/Faxweb)
