Lajmi i arrestimit të 4 grabitësve për vjedhjen e 3.2 milionë dollarëve të bankës bën xhiron në mediat e huaja (FOTO)

Arrestimi i 4 grabitësve pasditen e djeshme  si dhe shpallja në kërkim e dy të tjerëve nga ana e policisë ka bërë jehonë edhe në mediat botërore.

Prestigjiozet britanike si ‘Daily Mail’ dhe agjencia e lajmeve ‘Reuters’ kanë raportuar detaje nga ky operacion i policisë shqiptare.

‘Daily Mail’ nis artikullin me titullin: “Policia shqiptare arreston 4 të dyshuar për grabitjen e furgonit”. Sipas saj, policia ka arritur të prangosi katër nga anëtarët e bandës si dhe të rikuperojë një pjesë të parave të grabitura. Agjencia e lajmeve ‘Reuters’ citon Ministrin e Brendshëm Saimir Tahiri, i cili tha se “personat që merren me sigurinë e transportit të parave nuk mund të jenë heronj nëse paguhen me rroga shumë të ulëta”.

Por këtë lajm e ka postuar edhe në YAHOO.NEWS e cila citon Drejtorin e Policisë së Tiranës Ervin Hodaj. Ai thekson se “policia ka arritur të vërtetojë se të arrestuarit janë të lidhur me grabitjen dhe me vjedhjen e ndodhur në po të njëjtin vend në vitin 2015″. Sakaq, YAHOO.NEËS nënvizon faktin se |grabitësve i janë gjetur edhe sasi të konsiderueshme parash në valuta të huaja si dhe lekë shqiptare të cilat korrespondojnë me paratë që banka po i transportonte jashtë vendit”. (J.V/Shuplaka)

[ngg_images source=”galleries” container_ids=”1126″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]