Aksident i rëndë në aksin Milot-Thumanë, humb jetën 1 person

Një aksident i rëndë ka ndodhur në aksin aksin Milot- Thumanë, pranë kryqezimit në fushë Mamurras

Dyshohet se viktima me inicialet P. K, i ka prerë rrugën mjetit, i cili e ka përplasur duke i shkaktuar vdekjen e menjëhershme.

Si pasojë e aksidentit ka humbur jetën një 70-vjeçar i cili po lëvizte me motor.

Në vendngjarje kanë mbërritur forcat policore, ndërkohë që trupi i viktimës gjendet ende në tokë në pritje të ambulancës.

Pritet të bëhen vlerësimet e ekspertëve për të zbuluar më tej shkaqet e aksidentit.

Njoftimi i plotë i policisë: Krujë/Informacion paraprak

Më datë 19.01.2021, në orën 19:20, tek kryqëzimi i Mamurrasit, shtetasi P. P., duke drejtuar një motoçikletë është përplasur me një mjet me drejtues shtetasin A. A., e për pasojë drejtuesi i motoçikletës shtetasi P. P., ka ndërruar jetë.

Drejtuesi i mjetit shtetasi A. A., është shoqëruar në ambjentet e Policisë për veprime të mëtejshme.

Grupi hetimor ndodhet në vendngjarje dhe po punon për zbardhjen e rrethanave të ngjarjes.