Një aksident i rëndë ka ndodhur mesditën e sotme në rrugën e Rinasit.
Sipas informacioneve më të fundit, 4 makina janë përfshirë në një përplasje të fuqishme ku një prej tyre është një autoshkollë.
Mjeti me drejtues J. M, ka përplasur motomjetin me drejtues ende të paidentifikuar, rreth 25 vjeç, i cili ndodhet në spital, nën kujdesin e mjekëve. Si pasojë e aksidentit prej disa minutash është bllokuar krahu i rrugës që të çon nga Rinasi drejt Tiranës.
Policia ka mbërritur menjëherë në vendngjarje për të zbardhur shkaqet e këtij aksidenti.
Tiranë/Informacion paraprak:
Rreth orës 13:00, në Rrugën e Rinasit, janë përfshirë në përplasje 4 mjete, ku ka vetëm dëme materiale.
Rreth orës 13:40, në Rrugën e Durrësit, mjeti me drejtues J. M, ka përplasur motomjetin me drejtues ende të paidentifikuar, rreth 25 vjeç, i cili ndodhet në spital, nën kujdesin e mjekëve.
Grupi hetimor po punon për sqarimin e rrethanave të aksidentit.
