Një aksident i rëndë ka ndodhur pak minuta më parë në Rrugën e Kombit në afërsi të Rubikut. Burime bëjnë me dije se në aksident janë përfshirë 4 automjete, ndërsa raportohet për disa të plagosur.
Mësohet se personat e lënduar në aksident janë një shtetase kosovare, dhe një serbe, të cilat janë dërguar për mjekim në spital, ku dhe ndodhen jashtë rrezikut për jetën.
Ende nuk dihen rrethanat e plota të ngjarjes, ndërkohë policia po heton për zbulimin e shkaqeve të aksidentit.
Njoftimi i plotë:
Mirditë/ Informacion paraprak
Në aksin rrugor Milot-Rreshen, në fshatin Munaz, janë përfshirë në aksident automobilistik mjeti me drejtues shtetasin F.T., banues në Suedi, mjeti me drejtues shtetasin L.Z., banues në Prishtinë, mjeti me drejtues shtetasin A.Z., banues në Suedi dhe mjeti me drejtues shtetasin L.G.,banues në Zvicër
Si pasojë kanë marrë dëmtime dhe janë transportuar në spitalin e Rreshenit, jashtë rrezikut për jetën shtetaset T.B., banuese në Kosovë dhe H.M.,banuese në Serbi ,të cilat ndodheshin si pasagjere në mjetet me drejtues L.Z.dhe L.G
Grupi hetimor vazhdon veprimet në vendngjarje për sqarimin e rrethanave të aksidentit.
Discussion about this post