Gjykata pushon procedimin penal të bërë nga kreu i grupit parlamentar të PS, Taulant Balla për kallëzim të rremë për çështjen Xhisiela, ndaj kryedemokratit Lulzim Basha, ish-oficerit të policisë Emiljano Nuhu dhe gazetarit Basir Çollaku.
Pushimi i çështjes është bërë më kërkesë të prokurorise, ndërsa gjykata e ka pranuar kërkesën e prokurisë dhe vendimi ka marrë formë të prerë.
Një vit më parë Balla depozitoi në Prokurori kallëzimin penal për kreun e PD, Lulzim Basha, për veprën penale ‘shpërdorim detyre’ dhe ‘kallëzim të rremë’. Kallëzimi vjen pas denoncimit të ish oficerit të Krujës Emiljano Nuhu, i cili pretendoi se ishte kërcënuar me armë për të mbyllur dosjen e djalit të deputetit të PS-së, Rrahman Rrahja, në prani të deputetit Taulant Balla.
Gjithashtu Balla kallëzoi penalisht edhe ish oficerin Nuhu për ‘kallëzim të rremë’ si dhe gazetarin Basir Çollaku që realizoi intervistën.
