Akuzohen për shpërdorim detyre, Gjykata merr vendimin për Mariglen Qaton dhe 2 zyrtarët e tjerë të IMT-së

Gjykata e Apelit të Tiranës ka lënë në fuqi masën e sigurisë “detyrim paraqitje” për Mariglen Qaton, kreun e IMT-së Tiranë, i cili akuzohet për shpërdorim detyre.

Gjykata po ashtu ka lënë në fuqi masën “detyrim paraqitje” edhe për 2 zyrtarët e tjerë të IMT-së, Adrian Ccaushaj dhe personi tjetër me inicialet A.L.

Vendimi u la në fuqi edhe për dy të tjerë, Klevis Bregu, i cili është në arrest shtëpie, si edhe për shtetasin em inicialet E.G., për të cilin është vendosur “ndalim i daljes jashte shtetit”.

Qato është nën hetim nga Prokuroria për akuzën e shpërdorimit të detyrës kryer në bashkëpunim. Kreu i Inspektoriatit Ndërtimor Tiranë, Mariglen Qato është kallëzuar penalisht në Prokurorinë e Tiranës në maj të vitit të kaluar nga disa familje në zonën e Kombinatit që deklarojnë publikisht se po u merret prona në rrugë antiligjore në emër të një investimi publik që bashkia ka nisur të kryejë në këtë zonë.

Njoftimi i plote:

Sic është raportuar edhe në media, disa qytetarë kanë kallëzuar penalisht drejtuesin e “IMT” Tiranë, shtetasin Mariglen Qato. Në Gjykatën e Apelit Tiranë, u zhvillua gjykimi lidhur me verifikimin e kushteve në lidhje zbatimin e masës së sigurimit për personin nën hetim E.G,Adrian Caushaj, Leandro Lamani, Klevis Bregu, Mariglen Qato, të dyshuar për kryerjen e veprës penale “Ndërtim i paligjshëm” si dhe “Shpërdorimi i detyrës” kryer në bashkëpunim, parashikuar nga neni 248, 25 të Kodit Penal.

Më herët, Gjykata e Rrethit Gjyqësor Tiranë me vendimin nr. 1130/1 Regj.Them, datë 17.07.2021 ka vendosur: -Për personin nën hetim Mariglen Qato vazhdimin e sbatimit të masës “Detyrim për tu paraqitur në policinë gjyqësore”. – Për personin nën hetim Adrian Caushaj vazhdimin e sbatimit të masës “Detyrim për tu paraqitur në policinë gjyqësore”. – Për personin nën hetim A.L vazhdimin e sbatimit të masës “Detyrim për tu paraqitur në policinë gjyqësore”.” – Për personin nën hetim Klevis Bregu, vazhdimin e sbatimit të masës “Arrest në shtëpi”. – Për personin nën hetim E.G vazhdimin e sbatimit të masës “Ndalim i daljes jashtë shteti”.

Çështja në apel u shqyrtua mbi bazën e ankimit të bërë nga personat nën hëtim E.G,A.C, L.L, K.B, M.Q si dhe nga Prokuria Pranë Gjykatës së Shkallës së Parë Tiranë. Gjykata e Apelit Tiranë me vendimin nr. 655 datë 28.07.2021 vendosi: -Miratimin e vendimit nr. 1130/1 Regj.Them, datë 17.07.2021 të Gjykatës së Rrethit Gjyqësor Tiranë për personat nën hetim A.C, L.L, K.B, E.G. -Ndryshimin e vendimit nr. 1130/1 Regj.Them, datë 17.07.2021 të Gjykatës së Rrethit Gjyqësor Tiranë për personin nën hetim M.Q, ndjekjen penale të këtij personi nën hetim në gjëndje të lirë, duke urdhëruar vendosjen e garancisë pasurore.

I akuzuar për shpërdorim detyre, gjykata cakton masën “Detyrim për paraqitje” për kreun e IMT-së në Bashkinë Tiranë

(E.H/Faxweb.al)