Pas kërkesës që Këshilli i Lartë i Prokurorisë i drejtoi prokurores së Përgjithshme Arta Markut, në lidhje me prokurorin e Durrësit Arjan Ndoja, ka reaguar kjo e fundit.
Sipas një njoftimi të shpërndarë për mediat prokuroria bën të ditur se ka niosur verifikimet lidhur me faktet e bëra publike në rastin e prokuroit Arjna Ndoja.
“Prokurori i Përgjithshëm znj. Arta Marku prej ditës së djeshme dt 05.11.2019 ka filluar verifikimin e fakteve të bëra publike në rastin e prokurorit Arjan Ndoja. Verifikimet konsistojnë në mbledhjen e të dhënave për shkeljen e rregullave të papajtueshmërisë me funksionin e magjistratit, parashikuar në nenin 103 shkronja “a” të ligjit 96/2016 “Për statusin e gjyqtarëve dhe prokurorëve në Republikën e Shqipërisë”. “- njofton prokuroria.
