Basha mbyll protestën në Milot: Jemi gati të përshkallëzojmë

Është mbyllur protesta e opozitës nga kreu i Partisë Demokratike,Lulzim Basha.

Nga Miloti kryeopozitari është shprehur se është i gatshëm që të përshkallëzoj protestën duke nisur nga dita e sotme.

Ndërkohë që nga raportimet mësohet se dhe protesta në akset e tjera rrugore si Elbasani, Durrësi, Fieri apo dhe Tirana gjithashtu janë mbyllur.

Kujtojmë që ashtu siç ishtë mësuar dhe më herët, protesta ka zgjatur vetëm 60 minuta, pa shënuar kështu ndonjë incident apo problem.

Tashmë rrugët janë zhbllokuar dhe automjetet qarkullojnë lirisht.

Kujtojm që protesta kombëtare e radhës do të jetë në 11 Maj në orën 18:00 të pasdites.

Fjala e plotë e Lulzim Bashës nga Miloti:

Këtë të enjte në Milot do t’ju falenderoj ju dhe të gjithë protestuesit e ndershëm në të gjitha akset e bllokuara që nisën sot aktin e mosbindjes civile si dëshmi e pazëvendësueshme.

Zonja dhe zotërinj, besoj që qindra mijra shqiptarë sot janë bashkuar në këtë protest për njeriun më të paaftë, më të korruptuar dhe arrogantin, Edi Rama i cili solli krimin në sofër dhe i vuri shkelmin demokratcisë.

Shumë prej jush janë këtu në mbështetje të kauzës, sepse e dinë fare mire që sa më i varfër të jetë populli aq më e lehtë është për pusghtetarët e korruptuar.

Rama ka bërë karburantin e shqiptarëve më të shtrenjtin në Europë. Ky është një drejtues që e ka lidhur fatin e tij me kriminelët e oligarkët e korruptuar. Themeli i kësaj të keqe është Edi Rama. Esenca e betejës tonë janë zgjedhjet e lira dhe të ndershme. Ne jemi të vendosur se kështu nuk do të vendoset më.

Ora e Edi Ramës dhe 20 hajdutëve të tij po mbaron. Në 30 qershor nuk do të ketë zgjedhje në Shqipëri.

Vëllai i bufit, Edi Rama e di këtë gjë. Opozita nuk klonohet, as nuk shpifet dhe as nuk krijohet, ne jemi opozita e vërtetë.

Në burg do të shkojë Daminan Gjiknuri, Vangjush Dako dhe të gjithë të korruptuarit e Edi Ramës. Në asnjë qendër votyimi nuk do të lejohet krimi electoral të përsëritet.

Ne jemi të gatshëm që sot të nisim përshkallëzimin e protestës”.

https://www.facebook.com/faxweb.al/videos/2117097198340249/

(s.a/faxweb.al)