Presidenti Meta duket se nuk është dakord me propozimin e Behgjet Pacollit për një tryezë mbarëshqiptare me liderët e dy shteteve, pas zhvillimeve të fundit në Prishtinë me akuzat e ngritura ndaj Hashim Thaçit dhe Kadri Veselit.
Sipas Metës tashmë nuk është kohë për protagonizma, në një kohë kur Kosova në momente kyçe ka ditur që të marrë vendime më të zgjuara dhe se vetë Shqipëria. Meta shprehet se ai përherë ka qenë i gatshëm dhe ka pasur kontakte me liderët e Kosovës, por është i bindur se kjo situatë do kalojë duke u marrë vendimet e duhura.
“Nuk është koha për protagonizma, së dyti Kosova është një shtet i pavarur, Kosova ka institucionet e saj, ka treguar se momentet e krizave i zgjidh dhe më mirë sesa ne. Unë kam qenë dhe jam i hapur për takime me krerët e shtetit të Kosovës, por jam i bindur se ata në momente krizash, dinë që të jenë bashkues në vizionet e tyre”, u shpreh Meta në fjalën e tij.
Ndërkohë që i pyetur nga gazetarët lidhur me një propozim të ministrit të brendshëm Sandër Lleshaj, se në zonat ku minoriteti përbën 20% të popullsisë së përgjithshme, të njihet gjuha e tyre, Meta tha se për këtë çështje presidenca do të dalë me një komunikatë zyrtare.
“Lidhur me çështjen e fundit do tiu japim një përgjigje më zyrtare, pasi kemi pasur një reagim dhe nga akademikë të njohur, na duhet më shumë kohë për tiu dhënë përgjigjen e duhur”, tha Meta.
(E.K/Faxweb.al)
