Kreu i Partisë Demokratike ka dalë nga selia blu ku është pritur me brohoritje nga simpatizantët demokratë. Ai është nisur në këmbë drejt kryeministrisë ku do të zhvillohet protesta e sotme dhe ku aktualisht ndodhet një numër i madh qytetarësh.
Krah tij qëndron nënkryetari i PD-së Luciano Boçi dhe deputeti Oerd Bylykbashi.
Njëkohësisht dhe kreu i Partisë së Lirisë Ilir Meta ka marshuar drejt sheshit me protestues. Deri më tani nuk ka shenja për skenar dhune ndërsa qytetarët kanë shprehur pakënaqësi ndaj mënyrës si ka qeverisur Rama dhe kërkojnë rrëzimin e menjëhershëm të qeverisë së tij.
Discussion about this post