Kryeministri Edi Rama ka realizuar një foto me presidentin e SHBA-ve Donald Trump.
Rama shoqërohej në këtë foto kortezie nga bashkëshortja e tij Linda Rama, si dhe Donald Trump dhe zonja e parë e SHBA-ve Melanie.
Kryeministri është kujdesur që foton me Trump ta shpërndajë menjëherë në të gjitha rrjetet e tij sociale me mbishkrimin tashmë të njohur “photo of the day”.
Nuk kanë munguar as batutat e ndjekësve, të cilët i kujtojnë kryeministrit se kjo mund të jetë dhe fotoja e jetës së tij.
Nuk dihet ende nëse mes dy krerëve të shteteve ka pasur një takim, apo kjo është thjesht në foto përshëndetëse, siç jemi mësuar shpesh të shohim në vizitat e Ramës jashtë vendit.
Rama është nisur që prej të hënës në një vizitë disa ditore në SHBA, e cila u shty përkohësisht për shkak të tërmetit që ra në vendin tonë. Kryeministri do të jetë dhe pjesë e Asamblesë së përgjithshme nr.74 të OKB-së, që është një event i përvitshëm.
(E.K/Faxweb.al)
