Gent Gazheli vetëm pak ditë pasi u largua nga drejtimi i Albpetrol, është emëruar drejtor i Përgjithshëm i Doganave. Gent Gazheli do të zëvendësojë në këtë post Gjon Bardhi.
Gent Gazheli, ish-ambasadori shqiptar në Turqi u emërua në krye të “Albpetrol” në prill të vitit të kaluar, ndërkohë që është larguar nga ky post vetëm pak javë më parë. Në krye të kompanisë së madhe të naftës është vënë tashmë ish-kreut të Bashkisë Fier Baftjar Zeqaj.
Por kush është Gent Gazheli, dhe si preku majat e diplomacisë roja i doganave?
Gazheli është ish-kryefinancieri i PS që dikur mbante peshën e madhe të financave të partisë. Sipas deklaratave të bëra shpesh nga opozita Gazheli njihet si person që në dogana, kolegët i kishin vënë nofkën “çorapja” ndërsa Berisha e cilësonte si “lavatriçja e parave të pista” kur Gazheli mbante postin e drejtorit të Agjencisë së Luftës Kundër Pastrimit të Parave.
Emri i tij madje ra edhe në sytë e mediave të huaja të cilat i dedikuan nje shkrim kur befas, në shkurt të 2016-ës, u emërua ambasador në Turqi.
“Nga roje dogane, ambasador në Turqi”, shkruanin mediat e huaja. “Megjithatë, emërimi i fundit i Gent Gazhelit si ambasador në Turqi shërben si një dëshmi për shumë praktika korruptive të bëra në Shërbimin e Jashtëm Shqiptar. Gazheli është pasuruar shumë, duke arritur në miliona euro, gjatë shërbimit të tij si roje dogane në vende të ndryshme kufitare në Shqipëri”, shkruante ndër të tjera “ForeignPolicyNews”, referuar emërimeve të diplomacisë shqiptare.
Ishte pikërisht Genta Gazheli që kishte në dorë fatin e Alvini Berishës, publikimi i historisë së të cilit, në fakt i ka kushtuar jo pak.
Discussion about this post