Gjykata e Krujës liron nga burgu Rexhep Rrajën

Gjyqtarja Engjellushe Tahiri liron nga burgu Rexhep Rrajan. Seanca gjyqësore ndaj tij u zhvillua në orën 15 në Gjykaten e Krujës.

Prokurorja Mirela Kapo ka kërkuar 1 vit burg për Rrajën, por gjyqtarja Engjellushe Tahiri e liroi duke pezulluar masën e arrestit me burg dhe duke e lënë Rrajën e lirë me shërbim prove. Rraja është dënuar 12 muaj shërbim prove për akuzen e përndjekjes.

Gjyqtarja Tahiri është një nga gjyqtaret kontraverse në vendimet e saj pasi shumë hallexhinj për vepra penale shumë të vogla janë dënuar me masa ekstreme prej saj.

Rexhep Rraja djali i deputetit Socialis Rrahaman Rraja u arrestua të dielën në 30 shtator, në kohën që ndodhej në biznesin e tij pranë Rinasit.

Theksojmë se pas kallezimeve të bëra nga Xhisiela Maloku, ndaj tij u ngrit vetëm akuza e “përndjekjes”, ndërkohe që ekspertiza mjekoligjore vërtetonte se ndaj 25 vjeçares Xhisiela Maloku ishte ushtruar dhunë, duke i djegur cigare në trup si dhe duke e goditur me qytën e pistoletës.

(M.Q/Faxweb.al)