Kryeministri Abiy Ahmed i Etiopisë ka fituar çmimin Nobel për Paqën, për kontributin e tij në përfundimin e luftës 20-vjeçare mes Etiopisë dhe Eritreas.
Duke shpallur çmimin në Oslo, Komiteti Norvegjez i Nobelit tha se “përpjekjet e Ahmedit meritojnë njohje dhe kanë nevojë për inkurajim.”
Vitin e kaluar, Etiopia arriti marrëveshjen e paqes me Eritrean, duke i dhënë fund një konflikti 20 vjeçar, i cili nisi me luftën në kufi në vitin 1998 për të vijuar deri në vitin 2000.
Dy shtetet afrikane hapën vjet edhe ambasadat në kryeqytet respektive, duke i çuar në një tjetër nivel marrëdhëniet diplomatike.
Të dy vendet i dhanë fund tensioneve prej dy dekadash në një kthesë dramatike të ngjarjeve pasi Ahmed shtroi një degë të ullirit tek presidenti eritrean në fjalimin e tij inaugurues në prill.
Nga viti 1998 deri në vitin 2000, të dy vendet zhvilluan një luftë të përgjakshme në të cilën rreth 70,000 njerëz humbën jetën nga të dy anët.
(E.K/Faxweb.al)
Discussion about this post