OFL ‘mbërrin’ në Berat, u kërkon pasurinë 2 të dënuarve. Trafikonin drogë nga Kolumbia në Evropë (EMRAT)

Operacioni ‘Forca e Ligjit” u ka kërkuar deklarimin e pasurisë brenda 24 orëve 2 të dënuarve me akuzën “Trafikim i lëndëve narkotike”.

Burime për faxweb.al bëhet me dije se bëhet fjalë për vëllezërit Ervis dhe Leonat Gavelli, nga Berati të dënuar për trafik narkotikësh, ndërsa dyshoheshin se kryenin trafik kokaine nga Kolumbia drejt Evropës.

Njoftimi i plotë:
Operacioni ‘Forca e Ligjit” u ka kërkuar deklarimin e pasurisë brenda 24 orëve 2 të dënuarve me akuzën “Trafikim i lëndëve narkotike”.

Në zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL vijon intensivisht punën për kryerjen e veprimeve komplekse, në bashkëpunim me strukturat e tjera të Policisë së Shtetit.
Sipas informacioneve për faxweb.al bëhet me dije se janë Ervis dhe Leonat Gavelli, të dënuar për trafik narkotikësh, ndërsa dyshoheshin se kryenin trafik nga Kolumbia drejt Evropës.

Në kuadër të Aktit Normativ nr. 1, datë 31.01.2020, OFL u ka dërguar kërkesat për vetëdeklarim të pasurisë, shtetasve:

E. G., banues në Berat, dënuar për veprën penale “Trafikim i lëndëve narkotike”.

L. G., banues në Berat, dënuar për veprën penale “Trafikim i lëndëve narkotike”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së, të cilat do t’i dërgohen SPAK-ut, për veprime të mëtejshme.

OFL bën me dije se të gjithë personat që iu është dërguar kërkesa me shkrim për vetëdeklarimin e burimeve të pasurisë, i kanë plotësuar formularët dhe i kanë dorëzuar pranë OFL-së, e cila ka vijuar me procedurat, sipas përcaktimit në Aktin Normativ nr. 1, të datës 31 janar 2020.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë. (B.S/Faxweb.al)