Policia greke ka arrestuar në pikën e kalimit kufitar të Kakavijës një 49-vjeçar, i cili ishte arratisur nga burgu. Mësohet se 49-vjeçari ka qenë i dënuar me 9 vite burg për përdhunim dhe joshje të fëmijëve. Ende nuk bëhet i ditur identiteti i tij.
49-vjeçari është përpjekur të largohet nga Greqia, por nga kontrolli i të dhënave të tij oficerët e policisë greke kanë zbuluar se ai ishte i arratisur.
Raportohet se abuzuesi shqiptar ishte në pritje të aktgjykimeve të Gjykatës së Apelit, në Euboea, teksa ishte dënuar me nëntë vite e një muaj burg për përdhunim dhe joshje të fëmijëve.
Ndërkohë, edhe më herët Gjykata Penale e Thebës e ka dënuar 39-vjeçarin me dy vite burg për armëmbajtje pa leje. Menjëherë pas arrestimit, Prokuroria e Janinës ka urdhëruar dërgimin e shqiptarit në burgun e Stavarki për të vuajtur dënimet që rëndojnë mbi të.
