Ka zgjatur për rreth 60-të minuta mbledhja e kryeministrit Edi Rama në Elbasan me kryetarët e bashkive në resortin ku dy ditë me parë mblodhi grupin parlamentar. Mbledhja u zhvillua me dyer të mbyllura dhe në fund të takimit nuk pati një prononcim për median, ndërsa kryeministri u nis me shpejtësi drejt Tiranës ku me herët kishte njoftuar një takim me deputetet socialistë në Tiranë.
Sikurse në mbledhjen e dy ditëve me parë edhe në takimin e sotëm ne cilësinë e kreut te PS jo të kryeministrit Rama, pasi ftesa kishte vetëm për socialistët, pasi për kryebashkiaken e djathtë të Shkodrës Voltana Ademi mësohet se nuk ka patur ftesë duket se i ka “shkundur” ata.
Sot në Elbasan Rama e vuri theksin të zgjedhjet parlamentare që do të mbahen në pranverë duke kërkuar performancë më të mirë nga kryebashkiakët të rritet shërbimi ndaj qytetarëve, kryesisht investimet dhe të jenë mbështëtje për kryetaret socialist në qarqe.
Nga të paret e qytetit është kerkuar mbledhja e sa më shumë e votave në fushatë në mënyrë që PS te siguroje një mandat të trete, detyra keto që duhen plotesuar nëse duan të jenë pjesë e së njëjtës skuadër.
Në rast humbjeje në zgjedhje përgjegjësia tha Rama bie mbi ju dhe drejtuesit politik në qarqe. Pjesë e diskutimit ishte edhe mbajtja e asamblesë së Partisë Socialiste e cila fillimisht u tha se do të mbahej me datë 4 shtator ndërsa në një komunikim te dytë u shty në datë 11 shtator, por ende nuk është e konfirmuar.
Ajo qe terhoqi vëmëndjen ishte fakti se ndërsa media priste hyrjen e Kryeministrit në resort ky i fundit ka qënë i pranishëm brenda ndërsa kishte konsumuar një drekë pas ardhjes nga Vlora ku u përkujtua përvjetori i luftës. Me mjetet e tyre luksoze kryebashkiaket socialist u prezantuan në takim ku nuk munguan as përqafimet dhe trokitjet e duarve mes tyre .
Discussion about this post