Bashkia e Tiranës ka marrë zyrën e Partisë Fryma e Re Demokratike, e cila u kthye në një skenë përplasjes përpara zgjedhjeve të 25 Prillit. Asnjë prej zyrtarëve të partisë që drejtohet nga Sali Shehu nuk ka bërë rezistencë për lirimin e ambienteve, që kanë qenë pronë e Bashkisë së Tiranës.
Sipas ligjit, vetëm partitë që kanë mbi 1% të votave apo të paktën 1 deputet ne Parlament, Bashkia mund t’u siguroje zyra per selite e tyre, ndërkohë që FRD nuk kishte as 1% të mbështetjes qytetare dhe as 1 deputet. Që prej vitit 2013, me anë të një VKM-je të miratuar nga vetë ish-kryeministri Sali Berisha, godina në të cilën Fryma e Re Demokratike ka pasur selinë e saj është në pronësi të Bashkisë së Tiranës.
Ajo përdoret nga kjo e fundit për të ofruar një sërë shërbimesh ndaj qytetarëve. Në këtë godinë, ndodhen zyrat e Agjencisë së Mbrojtjes së Konsumatorit (AMK), disa sektorë të burimeve njerëzore, si dhe disa zyra të drejtorisë juridike.
