Tensionohet sërish situata në Dibër, pasi dhjetra protestues janë mbledhur mbrëmjen e sotme pranë ambjenteve të KZAZ-së nr. 19 dhe po përleshen me forcat e Policisë.
Si pasojë, mësohet se kanë mbetur të plagosur 6 punonjës të policisë si edhe disa protestues. Ndërkohë që Forcat Speciale janë nisur drejt qytetit verior për të vendosur nën kontroll situatën.
Kujtojmë se, përplasjet në KZAZ erdhën pas protestave ku militant të Partisë Demokratike e qytetarë kërkonin të hynin me forcë në KZAZ-në 19 me qëllim shkatërrimin e materialeve zgjedhore për të pamundsuar zgjedhjet e 30 Qershorit.
Protestuesit u përplasën ashpër me policinë, e cila për të ulur tensionet dhe shpërndarë turmën ka përdorur sasi të mëdha gazi lotsjellës.
Ndërkohë, tensione të ashpra mes policisë dhe protestuesve janë shënuar edhe në KZAZ-të e Burrelit, Klosit e Bulqizës, ndërsa pritet që protestat të vijojnë edhe ditën e nesërme.
Discussion about this post