Pezullimi dhe arrestimi i drejtuesve të policisë për vrasjen e Pjerin Xhuvanit, reagon Basha: Kërkon ‘kokën’ e…

Ish-kreu i PD-së Lulzim Basha ka reaguar në lidhje me urdhër ndalimet e prokurorisë për zyrtarët e Policisë, që tentuan të fshihnin provat në vrasjen e Pjerin Xhuvanit dy ditë përpara zgjedhjeve të 25 Prillit në Elbasan. (Lexo lajmin)

Basha shkruan se para drejtësisë duhet të vihen urgjentisht edhe ish-drejtori i policisë Ardi Veliu dhe prokurori i Elbasanit që gënjyen publikisht për të fshehur të vërtetën.

Basha denoncon në postimin e tij se policia u bë njësh me krimin në Elbasan dhe jo vetëm, në mënyrë që të siguronte vota për Ramën, dhe mbajtjen e qeverisë së tij në pushtet.

Basha:

Çdo shqiptar e ka të qartë edhe më shumë sot se si Rama e ka përdorur policinë për të mbrojtur blerjen e votave. Vendimi i djeshëm tregon se si policia e shtetit u vu në shërbim të bandave me urdhër të Edi Ramës në masakrën zgjedhore të 25 prillit.

Para drejtësisë duhet të vihen urgjentisht edhe ish-drejtori i policisë dhe prokurori i Elbasanit që gënjyen publikisht për të fshehur të vërtetën.

Asnjë ushtar politik i sotëm apo i djeshëm i Suel Çelës nuk mund të manipulojë të vërtetën e kësaj ngjarje, ku policia dhe krimi u bënë bashkë për të blerë vota dhe që fatkeqësisht çoi në viktima.

1/3 Çdo shqiptar e ka të qartë edhe më shumë sot se si Rama e ka përdorur policinë për të mbrojtur blerjen e votave. Vendimi i djeshëm tregon se si policia e shtetit u vu në shërbim të bandave me urdhër të Edi Ramës në masakrën zgjedhore të 25 prillit. pic.twitter.com/HNaVcCtzXO

— Lulzim Basha (@lulzimbasha_al) June 28, 2022

Drejtoria Rajonale e Agjencisë së Mbikëqyrjes Policore Elbasan dhe Korçë, në bashkëpunim me prokurorinë Elbasan kanë ekzekutuar 8 masa sigurie për punonjës policie të cilët kanë qenë në ngjarjen e vrasjes së Pjerin Xhuvanit me 21 prill 2021.

Burimet bëjnë me dije se 2 policët Albert Nushi, Nikollaq Palla janë lënë me arrest shtëpie, ndërsa 6 efektivët e forcave “Shiponja”, Dedjon Duraku, Pëllumb Bicaku, Erjon Balla, Erjon Meçja, Donald Dedja, Besmir Kadiu, janë pezulluar nga detyra.

Mbi ta rëndon akuza e “shpërdorimit të detyrës”, pasi dyshohet se kanë dhënë deklarim të rremë.
Pritet njoftim zyrtar nga AMP lidhur me rastin.

(E.K/Faxweb.al)